''நடிகர் விஜய்யுடன் நிச்சயம் இணைவேன்''-- இயக்குனர் வெற்றிமாறன்

நடிகர்  விஜய்யுடன் நிச்சயம் இணைந்து பணியாற்றுவேன் என்று இயக்குனர் வெற்றிமாறன் தெரிவித்துள்ளார்.

தமிழ் சினிமாவின் முன்னணி  இயக்குனர் வெற்றிமாறன். இவர், பொல்லாதவன், ஆடுகளம், வடசென்னை, அசுரன், ஆகிய படங்களை இயக்கியுள்ளார். சமீபத்தில், விஜய் சேதுபதி, சூரி நடிப்பில், இளையராஜா இசையமைப்பில் விடுதலை என்ற படத்தை இயக்கியிருந்தார். இப்படம் சூப்பர் ஹிட்டானது.

இந்த நிலையில், இன்று  நடைபெற்ற ஒரு நிகழ்ச்சியில், செய்தியாளர்கள் கேள்விக்கு வெற்றிமாறன் பதிலளித்தார்.

இதற்கிடையே, ஒரு செய்தியாளர், விஜய்யுடன் இணைந்து படம் பண்ணுவீர்களா என்று கேள்வி எழுப்பினார்.

இதற்கு பதிலளித்த வெற்றிமாறன், ‘’விஜய்யும் நானும் ரொம்ப நாட்களாகவே இதைப் பற்றிப் பேசிக் கொண்டிருக்கிறோம். விஜய் சார் ரெடியாகத்தான் இருக்கிறார். நான் கொடுத்த கமிட்மெண்ட்களை எல்லாம் முடித்த பின்பு இதற்கான வேலை தொடங்கும், நிச்சயம் விஜய்யுடன் இணைவேன்’’ என்று கூறினார்.