நான் நல்ல ஆண்களை நம்புவதில்லை என தீபிகா படுகோனேவின் பாதி வரையப்பட்ட புகைப்படத்தில் இந்த வாசகம் இடம்பெற்று அது சமூக வலைதளங்களில் அவரது ரசிகர்களால் வைரலாக பரவி வருகிறது.
இந்தி திரையுலகில் பட்டைய கிளப்பிய தீபிகா தற்போது ஆங்கில திரைப்படங்களிலும் நடித்து வருகிறார். ட்ரிபிள் எக்ஸ்: தி ரிட்டன் ஆஃப் சான்டர் கேஜ் எனும் ஆங்கிலப் படத்தில் ஹாலிவுட் நடிகர் வின் டீசலுடன் தீபிகா படுகோனே நடித்து வருகிறார்.
தீபிகாவின் முதல் ஆங்கில படமான இதில் சிஸ் பேக் எல்லாம் ட்ரை பண்ணி இருக்கிறார். மேலும் ஜெட்லி, டோனிஜா போன்ற உலக புகழ் பெற்ற நடிகர்களும் இந்த படத்தில் நடிப்பதால் இந்த படத்தின் எதிர்பார்ப்பு அதிகமாகவே உள்ளது. அதிலும் தீபிகா படுகோனேவின் ரசிகர்களுக்கு ஏகத்துக்கும் எதிர்பார்ப்பு எகிறியுள்ளது.
இந்நிலையில் தான் இந்த படத்தினை பற்றி முதல் முறையாக தீபிகா தனது இன்ஸ்டாகிராமில் பகிர்ந்துள்ளார். தீபிகாவின் பாதி வரையப்பட்ட முகத்தின் அருகில் நான் நல்ல ஆண்களை நம்புவதில்லை என்ற ஆங்கில வாசகம் எழுதப்பட்டு இருக்கிறது. இந்த புகைப்படத்தை தான் தீபிகாவின் ரசிகர்கள் வைரலாக்கி வருகின்றனர்.
அடுத்த வருடம் வெளியாக இருக்கும் இந்த படத்தின் பர்ஸ்ட் லுக் எனப்படும் முதல் பார்வை போஸ்டர் இது.
