நடிகர் அருண் விஜய் நடிப்பில் உருவாகி வரும் படத்தில் நடிக்க இளம்பெண்கள் தேவை என்று செய்தி பரப்பியுள்ளது ஒரு கும்பல்.
நடிகர் அருண் விஜய்யின் தடம் படத்தின் வெற்றி அவர் மீது தமிழ் சினிமாவின் கவனத்தை ஈர்த்துள்ளது. இதையடுத்து அவர் வரிசையாக படங்களில் நடித்து வருகிறார். சமீபத்தில் அவர் நடிப்பில் மாபியா திரைப்படம் வெளியான நிலையில் நீண்டகாலமாக பாக்ஸர் என்ற திரைப்படம் உருவாக்கத்தில் உள்ளது. அதே போல நவீன் இயக்கத்தில் அக்னி சிறகுகள், அறிவழகன் இயக்கத்தில் பார்டர் மற்றும் தனது மாமா ஹரி இயக்கத்தில் ஒரு படம் என பிசியாக இருக்கிறார். அதில் ஒரு படமாக ஜி என் ஆர் குமாரவேலன் இயக்கத்தில் நடித்து வரும் சினம் திரைப்படம் உள்ளது.
இப்போது அவர் இயக்குனர் அறிவழகன் இயக்கும் ஒரு படத்தில் நடித்து வருகிறார். இந்நிலையில் அந்த படத்தில் நடிக்க ஆர்வமுள்ள இளம்பெண்கள் தேவை என்ற போலியான அறிவிப்பை இணையத்தில் ஒரு மோசடி கும்பல் வெளியிட அதை நம்பி யாரும் ஏமாறாதீர்கள் என அருண் விஜய் எச்சரித்துள்ளார்.
