அடேயப்பா… படப்பிடிப்புத் தளத்துக்குள் எலக்ட்ரானிக் ஜாமர் பொருத்திய இயக்குனர்!

தமன்னா, ‘சாந்த் சா ரோஷன் செஹரா’ என்ற இந்திப் படம் மூலம் சினிமாவில் அறிமுகமானார்.  அதன் பின்னர் அவர் தமிழ் சினிமாவில் கேடி படத்தின் மூலம் அறிமுகமானார் தமன்னா. ஆனால் அவருக்கான கவனிப்பு என்பது கல்லூரி மற்றும் அயன் ஆகிய படங்களின் மூலம்தான் கிடைத்தது. அதையடுத்து வரிசையாக முன்னணி நடிகர்கள் படங்களில் நடித்து டாப் நடிகையானார்.

இப்போது அதிகளவில் பாலிவுட் படங்களில் கவனம் செலுத்தி வரும் அவர் ‘எ வெட்னஸ்டே’, ‘எம் எஸ் தோனி’ உள்ளிட்ட படங்களை இயக்கிய நீரஜ் பாண்டே இயக்கத்தில் ஒரு படத்தில் நடித்து வருகிறார். இந்த படத்தின் ஷூட்டிங் மும்பையில் நடந்து வரும் நிலையில் படம் பற்றிய தகவல்கள் ரகசியமாக இருக்க வேண்டும் என்பதற்காக படப்பிடிப்பு தளத்தில் எலக்ட்ரானிக் ஜாமர்களை பொருத்தியுள்ளாராம் இயக்குனர் நீரஜ் பாண்டே.

இதன் மூலம் படப்பிடிப்புத் தளத்தில் இருந்து புகைப்படங்கள் மற்றும் வீடியோக்கள் வெளியாவதை தடுக்க முடியும் என்பதால் இந்த நடவடிக்கையை மேற்கொண்டுள்ளாராம்.