துருவங்கள் பதினாறு படத்தைப் பார்த்த நடிகர் விஜய், அப்படத்தின் இயக்குனர் கார்த்திக் நரேனை தொலைபேசியில் அழைத்து பாராட்டியுள்ளார்.
சென்ற வருட இறுதியில் வெளியான துருவங்கள் பதினாறு திரைப்படம் ரசிகர்கள், விமர்சகர்கள் பாராட்டை பெற்றது. அனைத்துத் தரப்பினருக்கும் லாபமும் கிடைத்தது. மணிரத்னம், ஷங்கர், கௌதம் உள்ளிட்ட முன்னணி இயக்குனர்கள் கார்த்திக் நரேனை பாராட்டினர். விஜய்யும் இப்போது பாராட்டியுள்ளார்.
சிறப்பான படம். உணர்ச்சிகளை நீங்கள் கையாண்ட விதம் மிகவும் பிடித்திருந்தது. உங்கள் எதிர்காலத்துக்கு என் மனமார்ந்த வாழ்த்துக்கள் என்று தொலைபேசியில் விஜய் வாழ்த்தியதாக கார்த்திக் நரேன் தனது ட்விட்டர் பக்கத்தில் குறிப்பிட்டுள்ளார்.
