தனுஷ் நடித்த கர்ணன் திரைப்படத்தின் படப்பிடிப்பு சமீபத்தில் முடிவடைந்த நிலையில் சில நாட்களுக்கு முன்னர் இந்த படத்தின் டப்பிங் பணிகள் முடிந்ததாக அறிவிக்கப்பட்டது. இந்த நிலையில் இறுதிகட்ட போஸ்ட் புரொடக்ஷன் பணிகள் நடைபெற்று வரும் நிலையில் சற்று முன் இந்த படத்தின் ரிலீஸ் தேதியை தயாரிப்பாளர் கலைப்புலி எஸ் தாணு அவர்கள் தனது டுவிட்டரில் அறிவித்துள்ளார்
இந்த படம் வரும் தமிழ் புத்தாண்டு விருந்தாக ஏப்ரல் 9ஆம் தேதி வெளியாகும் என அறிவிக்கப்பட்டுள்ளது. இத்துடன் தனுஷ் ஆக்ரோஷமாக கையில் விலங்குடன் முகத்தில் ரத்தம் சொட்ட சொட்ட இருக்கும் அட்டகாசமான பர்ஸ்ட் லுக் போஸ்டரும் வெளியாகி உள்ளது என்பது குறிப்பிடத்தக்கது. இந்த போஸ்டர் படத்தின் எதிர்பார்ப்பை அதிகரித்துள்ளது என்பது குறிப்பிடத்தக்கது
மாரி செல்வராஜ் இயக்கத்தில் சந்தோஷ் நாராயணன் இசையில் உருவாகியிருக்கும் இந்த படம் தனுஷின் அடுத்த ஒரு வெற்றிப்படமாக அமையும் என்று எதிர்பார்க்கப்படுகிறது
தனுஷின் ‘கர்ணன்’ பர்ஸ்ட்லுக் உடன் ரிலீஸ் தேதி அறிவிப்பு!
