வெளிநாட்டுக்கு செல்லும் தனுஷின் ‘இட்லி கடை’ படக்குழு!

பவர் பாண்டி மற்றும் ராயன் ஆகிய படங்களை இயக்கிய தனுஷ் அடுத்து புதுமுகங்களை வைத்து ‘நிலவுக்கு என் மேல் என்னடி கோபம்’ என்ற படத்தை இயக்கி வருகிறார். இந்த படத்தின் ஷூட்டிங் நிறைவடைந்துள்ளது. இதையடுத்து   தனுஷ் மீண்டும் இட்லி கடை என்ற படத்தை இயக்கி நடிக்கிறார். இந்த படத்தின் ஷூட்டிங் தேனி உள்ளிட்ட தனுஷின் சொந்த ஊர்ப் பகுதிகளில் தொடங்கி நடந்தது.

இந்த படத்தில் பல முன்னணி நடிகர்கள் நடித்து வருகின்றனர். படத்தில் ராஜ்கிரண், சத்யராஜ், நித்யா மேனன் மற்றும் அருண் விஜய் ஆகியோர் முக்கிய வேடத்தில் நடிக்கின்றனர். படத்தின் பெரும்பாலானக் காட்சிகள் தேனி மற்றும் அதன் சுற்று வட்டாரப் பகுதிகளில் நடந்தது.

இதையடுத்து நவம்பர் 3 ஆம் தேதி சென்னையில் ஒரு பாடல் காட்சி படமாக்கப்படவுள்ளது. அதன் பிறகு முக்கியமான  சிலக் காட்சிகளை படமாக்க தாய்லாந்தின் பாங்காங்குக்கு செல்லவுள்ளதாக சொல்லப்படுகிறது. அதோடு மொத்த படப்பிடிப்பும் நிறைவடையவுள்ளதாக சொல்லப்படுகிறது.