மீண்டும் இணையும் தனுஷ் & அனிருத் கூட்டணி… எந்த படத்தில் தெரியுமா?

பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில் கடந்த ஆண்டு வெளியான ‘லப்பர் பந்து’ திரைப்படம் பிளாக்பஸ்டர் ஹிட்டாக அமைந்தது. அறிமுக இயக்குநர் தமிழரசன் பச்சமுத்து இயக்கிய இந்த படத்தில் ஹரிஷ் கல்யாண், அட்டகத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோர் முதன்மை கதாபாத்திரங்களில் நடிக்க முக்கிய வேடங்களில் பால சரவணன், காளி வெங்கட் உள்ளிட்ட பலர் நடித்திருந்தனர்.

இந்த படம் திரையரங்குகள் மூலமாக மட்டுமே 40 கோடி ரூபாய்க்கு மேல் வசூலித்திருக்கும் என சொல்லப்படுகிறது. இதனால் அந்த படத்தின் இயக்குனர் தமிழரசன் கவனம் பெறும் இயக்குனர் ஆனார். இதையடுத்து இப்போது அவர் தனுஷ் நடிப்பில் உருவாகும் அடுத்த படத்தை இயக்க ஒப்பந்தம் ஆகியுள்ளார். இந்த படத்தை ‘டாவ்ன் பிக்சர்ஸ்’ நிறுவனம் தயாரிக்கிறது.

இந்நிலையில் இந்த படம் பற்றி ஒரு தகவல் தற்போது வெளியாகியுள்ளது. இந்த படத்துக்கு இசையமைப்பாளராக அனிருத் ஒப்பந்தம் ஆகியுள்ளாராம். திருச்சிற்றம்பலம் படத்துக்குப் பிறகு தனுஷ் & அனிருத் இணையும் படமாக இந்த படம் இருக்கும் என சொல்லப்படுகிறது.