தெலங்கு சினிமாவின் முன்னணி நடிகை ராஷ்மிகா மந்தனா. இவர் கீத கோவிந்தம், தேவ்தாஸ், டியர் காம்ரேட், சுல்தான்,. புஷ்பா, வாரிசு, அனிமல் ஆகிய படங்களில் நடித்துள்ளார்.
தற்போது புஷ்பா 2 படத்தில் அல்லு அர்ஜூனுக்கு ஜோடியாக நடித்து வருகிறார்.
இந்த நிலையில், ஏஐ தொழில் நுட்பத்தால் உருவாக்கப்பட்ட தனது DeepFake Edit வீடியோ இணையதளத்தில் வைரலாகிவரும் நிலையில் நடிகை ராஷ்மிகா வருத்தம் தெரிவித்துள்ளார்.
இதுகுறித்து அவர் கூறியதாவது:
இணையதளத்தில் வைரலாகி வரும் ஏஐ தொழில் நுட்பத்தை பயன்படுத்தி உருவாக்கப்பட DeepFake Edit வீடியோ பற்றி பேசுவதற்கு வருத்தமாக உள்ளது.
தொழில் நுட்பம் மூலம் இப்படி தவறானப் பயன்படுத்தப்படுவதை பார்த்தால் பயமாக இருக்கிறது. இது எனது பள்ளி, கல்லூரி காலங்களில் நடந்திருந்தால் அதனை எப்படி சமாளித்திருப்பேன் என்னால் நினைத்துக்கூட பார்க்க முடியவில்லை. இதனால் பலர் பாதிக்கப்படும் முன்பு இதுபற்றி தெரியப்படுத்த வேண்டும் என்று தெரிவித்துள்ளார்.
இந்த சம்பவம் அதிர்ச்சியை ஏற்படுத்தியுள்ளது. பலரும் இதை எடிட் செய்து பரப்பியவர்கள் மீது கண்டனம் தெரிவித்து வருகின்றனர்.
