சந்தானம் நடிப்பில் வெளியான தில்லுக்கு துட்டு 1 மற்றும் தில்லுக்கு துட்டு 2 ஆகிய இரண்டு படங்களும் அவருக்கு வெற்றியை ஈட்டித்தந்த படங்களாக அமைந்தன. அந்த வரிசையில் இப்போது அந்த படத்தின் மூன்றாவது பாகத்தை டிடி ரிட்டர்ன்ஸ் என்ற பெயரில் எடுத்து கடந்த வெள்ளிக்கிழமை ரிலீஸ் செய்தனர்.
இந்நிலையில் முதல் வார இறுதியில் இந்த படம் தமிழ்நாட்டில் மட்டும் சுமார் 13 கோடி ரூபாய் வசூலித்துள்ளதாக சொல்லப்பட்ட நிலையில், இப்போது இரண்டாவது வார வேலை நாட்களிலும் படம் நல்ல வசூலை செய்துள்ளது. இந்த 3 நாட்களில் 5 கோடி ரூபாய் அளவுக்கு வசூலித்து, மொத்தம் 6 நாளில் 18 கோடி ரூபாய் வசூல் செய்தது.
இப்போது நாளை முதல் ஜெயிலர் திரைப்படம் ரிலீஸ் ஆவதால் திரையரங்குகளை விட்டு வெளியேறுகிறது இந்த திரைப்படம். இந்நிலையில் வாழ்நாள் கலெக்ஷனாக இந்த திரைப்படம் சுமார் 30 கோடியை வசூலித்து சந்தானத்தின் கேரியர் பெஸ்ட்டாக அமைந்துள்ளதாக சொல்லப்படுகிறது.
