விக்ரம்மை துரத்தும் துருவ் விக்ரம்… சீயான் 60 பட அப்டேட்!

சீயான் 60 படத்தில் நடிகர் விக்ரம் மற்றும் துருவ் விக்ரம் ஆகியோர் நடிக்கும் கதாபாத்திரங்களின் தகவல்கள் வெளியாகியுள்ளன.

விக்ரம் மற்றும் அவரது மகன் துருவ் நடிப்பில் உருவாகி வரும் ’சியான் 60’ படத்தின் அப்டேட்கள் அவ்வப்போது வெளிவந்து கொண்டிருக்கின்றன என்பது தெரிந்ததே. இந்த படத்தின் படப்பிடிப்பு தொடங்கி சில நாட்கள் நடந்த நிலையில் கொரோனா ஊரடங்கால் நிறுத்தப்பட்டது. இப்போது தளர்வுகள் அறிவிக்கப்பட்டுள்ள நிலையில் மீண்டும் படப்பிடிப்பை தொடங்க உள்ளது படக்குழு.

முதல் கட்ட படப்பிடிப்பு எல்லாம் சென்னையில் நடந்த நிலையில் இப்போது அடுத்த கட்ட படப்பிடிப்பு டேராடூனில் ஆரம்பித்து கோவா வரை பல இடங்களில் நடக்க உள்ளதாம். இந்நிலையில் இந்த படத்தில் விக்ரம் கேங்ஸ்டராக நடிக்க உள்ளதாகவும், துருவ் விக்ரம் துடிப்பான இளம் காவல்துறை அதிகாரியாக நடிக்க உள்ளதாக சொல்லப்படுகிறது.