கார்த்திக் சுப்பராஜ் இயக்கத்தில் விஜய் சேதுபதி, ரம்யா நம்பீசன், பாபி சிம்ஹா ஆகியோர் நடிப்பில் 2012 ஆம் ஆண்டு வெளியான திரைப்படம் பீட்ஸா. இந்த படத்தை திருக்குமரன் எண்டர்டெயின்மெண்ட் நிறுவனம் சார்பாக சி வி குமார் தயாரித்து இருந்தார். இந்த படம் மிகப்பெரிய வெற்றியை பெற்றது.
அதன் பின்னர் பீட்ஸா 2 என்ற பெயரில் வேறொரு கதையை படமாக்கினார்கள். ஆனால் முதல் பாகம் அளவுக்கு இரண்டாவது பார்ட் வெற்றி பெறவில்லை. இந்நிலையில் சமீபத்தில் பீட்ஸா 3 தி மம்மி திரைப்படம் ரிலீஸானது. இந்த படமும் வந்ததும் தெரியாமல் போனது.
இந்நிலையில் இப்போது படத்தின் தயாரிப்பாளர் சி வி குமார் படத்தின் நான்காவது பாகம் விரைவில் உருவாகும் என அறிவித்துள்ளார். இதன் நடிகர்கள், இயக்குனர்கள் மற்றும் படம் பற்றிய அறிவிப்பு விரைவில் வெளியாகும் எனவும் கூறியுள்ளார்.
