ஜிம் டிரெய்னர் ஆபாச மெஸேஜ்களை அனுப்பி மிரட்டுகிறார்… பிரபல நடிகை போலீஸி புகார்!

மேற்கு வங்கத்தைச் சேர்ந்த நடிகை பாயல் சர்க்கார் சில பாலிவுட் படங்களிலும் நடித்துள்ளார்.

சமீபத்தில் பாஜகவில் இணைந்த பாயல் சர்க்கார், தற்போது தன்னுடைய ஜிம் பயிற்சியாளர் மேல் புகார் அளித்துள்ளார். அந்த புகாரில் புதிய செல்போன் நம்பரில் இருந்து ஆபாச புகைப்படங்கள் மற்றும் குறுஞ்செய்திகள் தனக்கு வந்ததாகவும், அதுபற்றி விசாரிக்கையில் மெஸேஜ்களை அனுப்பியது தன்னுடைய உறவினரும் ஜிம் பயிற்சியாளருமான ஒருவர்தான் எனப் புகாரில் கூறியுள்ளார்.

மேலும் அவர் தன்னுடைய விருப்பத்தை ஏற்கவில்லை என்றால் புகைப்படங்களை போட்டோஷாப் செய்து இணையத்தில் ஏற்றிவிடுவேன் என மிரட்டுவதாகவும் அவர் அந்த புகாரில் கூறியுள்ளார்.

இதையடுத்து பாயலின் புகாரை ஏற்று போலீஸார் வழக்குப் பதிவு செய்து விசாரணை மேற்கொண்டு வருகின்றனர்.