பிக்பாஸ் நிகழ்ச்சி கலாச்சார சீர்கேடாக இருப்பதாகவும், காயத்ரி கூறிய ஒரு சர்ச்சைக்குரிய வார்த்தை மிகப்பெரிய பிரச்சனையாக உருவெடுத்ததால் கமல் உள்பட பலர் கைது செய்யப்படும் நிலைமை ஏற்பட்டதாகவும், இந்த நிலைமையை திசை திருப்பவே கமல் பிரஸ் மீட் வைத்து, அரசியலில் இறங்குவது போல நாடகம் ஆடியதாகவும், தனியார் தொலைக்காட்சி ஒன்றில் பேசிய பாஜக பிரமுகர் ஒருவர் கருத்து தெரிவித்தார். இதனால் பெரும் பரபரப்பு ஏற்பட்டுள்ளது
பாஜக பிரமுகரின் இந்த கருத்து கமல் ரசிகர்களை கொந்தளிக்க செய்துள்ளது. அவரை கமல் ரசிகர்கள் படுமோசமாக விமர்சனம் செய்து வருகின்றனர். இதனால் டுவிட்டர் இணையதளமே பெரும் பரபரப்பில் உள்ளது.
பொதுவாக தமிழகத்தில் ஒரு விஷயம் பெரிதாகும்போது இன்னொரு பிரச்சனை தோன்றினால் முந்தைய பிரச்சனையை மக்கள் மறந்துவிடுவார்கள். அதைபோலவே கமல் அரசியலுக்கு வரப்போவதாக கூறப்படுவதன் காரணமாக காயத்ரியின் 'சேரி பிஹேவியரை' பொதுமக்களும் அரசியல் தலைவர்களும் மறந்துவிட்டனர் என்பது குறிப்பிடத்தக்கது.
