திடீரென குறைந்த பணப்பெட்டியின் மதிப்பு: பிக்பாஸ் போட்டியாளர்கள் அதிர்ச்சி..!

பிக் பாஸ் நிகழ்ச்சி இன்னும் ஒரு சில நாட்களில் நிறைவடைய இருக்கும் நிலையில் கடைசி கட்டமாக பணப்பெட்டி அறிமுகப்படுத்தும் நிகழ்வு நேற்று நடந்தது என்பதும் பணப்பெட்டியின் மதிப்பு ஒரு லட்சத்தில் தொடங்கி 5 லட்சம் வரை உயர்ந்தது என்பதையும் பார்த்தோம். 

இந்த நிலையில் இன்று காலை பணப்பெட்டியின் மதிப்பு 9 லட்சம் ஆக உயர்ந்துள்ளது. இதனை அடுத்து மணி. விசித்ரா. தினேஷ் .பூர்ணிமா உள்ளிட்டவர்கள் பணப்பெட்டியை எடுக்கலாமா என்று யோசனை செய்து வருகின்றனர். 

இன்னும் ஒரு சில லட்சங்கள் கூடினால் யாராவது ஒருவர் பணப்பெட்டியை எடுத்துவிட்டு வெளியே செல்வார் என்று எதிர்பார்க்கப்படும் நிலையில் திடீரென பணப்பெட்டியின் மதிப்பு குறைந்துள்ளது 

ஒன்பது லட்சம் ஆக இருந்த பணப்பெட்டியின் மதிப்பு திடீரென 3.5 லட்சமாக குறைந்துள்ளதால் போட்டியாளர்கள் அதிர்ச்சி அடைந்துள்ளனர். ஒன்பது லட்சம் இருக்கும் போது எடுத்திருக்கலாமோ என்று சில போட்டியாளர்கள் புலம்பி வருகின்றனர். 

இந்த நிலையில் பணப்பெட்டியின் மதிப்பு கூடவும் செய்யலாம் குறைவும் செய்யலாம் என பிக் பாஸ் அறிவித்துள்ளது  பரபரப்பை ஏற்படுத்தி உள்ளது.

Edited by Mahendran