விஜய் டிவியில் ஒளிபரப்பாக இருக்கும் பிக் பாஸ் நிகழ்ச்சி அக்டோபர் ஆறாம் தேதி தொடங்க இருக்கிறது. கடந்த 7 சீசன்களாக இந்த நிகழ்ச்சியைத் தொகுத்து வழங்கிய கமல்ஹாசன், அதில் இருந்து விலகிக் கொண்டார். இப்போது அவருக்குப் பதிலாக நடிகர் விஜய் சேதுபதி நிகழ்ச்சியை தொகுத்து வழங்கவுள்ளார்.
நிகழ்ச்சி இன்னும் சில நாட்களில் தொடங்கவுள்ள நிலையில் இந்த முறை பிக்பாஸ் நிகழ்ச்சியில் கலந்துகொள்ளப் போகும் போட்டியாளர்கள் யார் யார் என்ற கேள்வி எழுந்துள்ளது. இந்நிலையில் அது குறித்த சில பெயர்கள் தற்போது வெளியாகியுள்ளன.
இந்நிலையில் நிகழ்ச்சியைத் தொகுத்து வழங்கும் விஜய் சேதுபதியிடம், பிக்பாஸ் தயாரிப்பு நிறுவனம் ஒரு கோரிக்கையை வைத்துள்ளதாக சொல்லப்படுகிறது. அதன்படி பிக்பாஸ் நிகழ்ச்சி முடியும் வரை விஜய் சேதுபதி அந்நிகழ்ச்சி தவிர, வேறு எந்த படத்துக்கும் தன்னுடைய சோஷியல் மீடியா பக்கத்தில் ப்ரமோஷன் செய்யக் கூடாது என்று நிபந்தனை வைத்துள்ளதாம். விஜய் சேதுபதி பல நல்ல சிறு பட்ஜெட் படங்களுக்கு ப்ரமோஷன் செய்து கொடுத்து வருகிறார் என்பது குறிப்பிடத்தக்கது.
