பிக்பாஸ் வீட்டை விட்டு கவின் வெளிவந்ததை குறித்து கவின் தான் பதில் சொல்லமுடியும் என கமல் கூறிய நிலையில், இன்று இரண்டாவது ப்ரோமோ வெளிவந்துள்ளது.
பிக்பாஸ் அறிவித்த ஐந்து லட்சத்திற்காக பிக்பாஸ் வீட்டை வெளியேறினார் கவின். அவருடைய முடிவில் ஒரு உள்ளர்த்தம் இருப்பதாகவும், தன்னுடைய முடிவை சந்தோஷத்துடன் ஏற்றுக்கொள்ளுமாறும் அவர் சக போட்டியாளர்களிடம் சொல்லிவிட்டு சென்றார். இதனை தொடர்ந்து இன்று முன்னதாக வெளியான ப்ரோமோவில் நடிகர் கமல், கவின் ஏன் வெளியேறினார் என்பதை கவின் தான் சொல்ல வேண்டும், காத்திருங்கள் இன்று இரவு 9.30 மணிக்கு என தெரிவித்தார்.
இந்நிலையில் சற்றுமுன் வெளிவந்த ப்ரோமோவில் பிக் பாஸ் வீட்டிற்குள் இருக்கும் லாஸ்லியாவிடம், கவின், தனது வருத்ததை தெரிவித்து எதனால் பிக் பாஸ் வீட்டை விட்டு வெளியே போனேன் என கூற முயலும்போது, கமல் இடையே வந்து, கவின் லாஸ்லியாவை மரியாதையாக ’நீங்கள்” என்று மரியாதையாக குறிப்பிட்டத்தை குறித்து கேட்கிறார். இதற்கு பதிலளித்த கவின், “லாஸ்லியா வீட்டுலயும் பார்த்துட்டு இருப்பாங்கள” என்று கூறுகிறார். உடனே கமல் நாயகன் படத்தில் வருவது போல் ரியாக்ட் செய்கிறார்.