பாரதிராஜா இயக்கத்தில் உருவான என்னுயிர் தோழன் என்ற திரைப்படத்தின் மூலம் கதாநாயகனாக அறிமுகமான நடிகர் பாபு உடல் நலக்குறைவால் காலமானார் அவருக்கு திரையுலகினர் இரங்கல் தெரிவித்து வருகின்றனர்.
கடந்த 1990 ஆம் ஆண்டு பாரதிராஜாவின் இயக்கத்தில் உருவான திரைப்படம் என் உயிர் தோழன். இதில் பாபு ,தென்னவன், ரமா ஆகிய மூன்று நட்சத்திரங்கள் அறிமுகமானார்கள்.
இந்த படம் நல்ல வரவேற்பு பெற்ற நிலையில் நடிகர் பாபு பெரும்புள்ளி, தாயம்மா, பொண்ணுக்கு சேதி வந்தாச்சு ஆகிய படங்களில் நடித்தார். இந்த நிலையில் கடந்த சில ஆண்டுகளாக உடல் நலக்குறைவால் சிகிச்சையில் இருந்த என் உயிர் தோழன் பாபு இன்று காலமானார்.
அவரது மறைவால் அதிர்ச்சி அடைந்துள்ள திரையுலகினார் இரங்கல் தெரிவித்து வருகின்றனர்.
