ஈரம் படத்தின் மூலம் தமிழ் திரையுலகின் இயக்குனராக அறிமுகமான இயக்குனர் அறிவழகன் இயக்கத்தில் அதன் பின்னர் வல்லினம், ஆறாவது சினம், குற்றம் 23’ ஆகிய திரைப்படங்களை இயக்கினார். இவரது இயக்கத்தில் அருண் விஜய் நடிப்பில் வெளியான ‘குற்றம் 23’ என்ற திரைப்படம் நல்ல ஹிட்டாகியதை அடுத்து தற்போது மீண்டும் இருவரும் ஒரு ஆக்ஷன் கலந்த ஒரு திரைப்படத்திற்காக இணையவுள்ளனர்.
அருண் விஜய்க்கு ஜோடியாக ரெஜினா நடிக்க இருக்கும் இந்த படத்தில் மற்ற நடிகர்கள் நடிகைகள் தேர்வு நடைபெற்று வருவதாக கூறப்பட்ட நிலையில் தற்போது இந்த படத்தில் பிரபல குணசித்திர நடிகர் பகவதி பெருமாள் இணைந்துள்ளதாக அதிகாரபூர்வமாக அறிவிக்கப்பட்டுள்ளது. ராஜசேகர் ஒளிப்பதிவில், சாம் சி.எஸ் இசையில் உருவாகவிருக்கும் இந்த படத்தை ஆல் இன் ஆல் பிக்சர்ஸ் விஜய ராகவேந்திரா நிறுவனங்கள் இணைந்து தயாரிக்கின்றன.
இந்த படத்தின் படப்பிடிப்பு சென்னை, ஐதராபாத், டெல்லி உள்ளிட்ட பல இடங்களில் படப்பிடிப்பு நடைபெறவுள்ளதாகவும், இம்முறையும் ஸ்பை ஆக்ஷன் திரில்லர் கலந்த ஒரு திரைப்படத்தை உருவாக்க இயக்குனர் அறிவழகன் திட்டமிட்டிருப்பதாகவும் கூறப்படுகிறது
