மீண்டும் படத் தயாரிப்பில் இறங்கும் ஏவிஎம் நிறுவனம்… பிரபல இயக்குனரோடு பேச்சுவார்த்தை!

ஏவிஎம் நிறுவனம் படத் தயாரிப்பில் ஈடுபடுவதை கடந்த சில ஆண்டுகளாக நிறுத்தி வைத்திருந்தது.

தமிழ் சினிமாவின் புராதணமான சினிமா தயாரிப்பு நிறுவனங்களில் ஏவிஎம் நிறுவனம் இன்று வரை இயங்கி வருகிறது. ஆனால் சமீப காலமாக படங்களைத் தயாரிப்பதில் இருந்து விலகிக் கொண்டு மற்ற பணிகளில் மட்டுமே ஈடுபாடு காட்டியது. ஆனால் இப்போது மீண்டும் தயாரிப்பில் இறங்க உள்ளது. சமீபத்தில் அருண் விஜய் நடிக்க, ஈரம் அறிவழகன் இயக்கிய தமிழ் ராக்கர்ஸ் என்ற வெப் சீரிஸ் வெளியாகி பரவலான கவனத்தைப் பெற்றது.

இதையடுத்து இப்போது ஏவிஎம் நிறுவனம் மீண்டும் அறிவழகனோடு இணைந்து ஒரு படத்தை தயாரிக்க திட்டமிட்டு பேச்சுவார்த்தை நடத்தி வருகிறதாம். விரைவில் இதுகுறித்த அதிகாரப்பூர்வ அறிவிப்பு வெளியாகும் என்று எதிர்பார்க்கப்படுகிறது.