நடிகர் ஆர்யா எனிமி படத்தின் சண்டைக் காட்சியின் போது கையில் காயமடைந்துள்ளதாக செய்திகள் வெளியாகியுள்ளன.
இயக்குனர் பாலாவின் ‘அவன் இவன்’ படத்தில் சேர்ந்து நடித்த விஷால் – ஆர்யா நீண்ட ஆண்டுகள் கழித்து மீண்டும் ஒன்றிணையும் படம் ‘எனிமி’. ஆனந்த ஷங்கர் இயக்கும் இந்த படத்திற்கு தமன் இசையமைக்கிறார். நீண்ட ஆண்டுகள் கழித்து இருவரும் இணையும் படம் என்பதால் ரசிகர்களிடையே எதிர்பார்ப்பு எழுந்துள்ளது.
இந்த படத்தின் படப்பிடிப்பு ஹைதராபாத்தில் முதல் கட்டமாக நடந்து முடிந்தது. அதன் பின்னர் இப்போது சென்னையில் ஆர்யா மற்றும் விஷால் மோதும் சண்டைக் காட்சிகளை இயக்குனர் படமாக்கி வந்தார். அப்போது ஆர்யாவுக்கு கையில் அடிபடவே அவர் மருத்துவமனைக்கு அழைத்துச் செல்லப்பட்டு முதலுதவி அளிக்கப்பட்டார். ஆனால் காயம் பெரிய அளவில் இல்லை என்பதால் அவர் மீண்டும் படப்பிடிப்பில் கலந்துகொண்டுள்ளார்.
