அருள்நிதியின் 'கழுவேத்தி மூர்க்கன்' பட டிரைலர் ரிலீஸ்

அருள்நிதியின் கழுவேத்தி மூர்க்கன் பட டிரைலர் இன்று வெளியாகியுள்ளது.

தமிழ் சினிமாவின் பிரபல நடிகர் அருள்நிதி. இவர், வம்சம், மெளனகுரு உள்ளிட்ட படங்களில் நடித்துள்ளார். இவர் நடிப்பில் சமீபத்தில் வெளியான படம் திருவின் குரல். இப்படம் நல்ல வரவேற்பைப் பெற்றது.

இந்த நிலையில், அருள்நிதி தற்போது நடித்து வரும் படம் கழுவேத்தி மூர்க்கன். இப்படத்தை ராட்சசி படத்தை இயக்கிய சை கவுதமராஜன் இயக்கியுள்ளார்.

இப்படத்தில், ஹீரோயினாக துஷாரா நடிக்கிறார். சாயாதேவி, பிரதாப் சாயா, முனிஸ்காந்த் ஆகியோர் முக்கிய வேடத்தில் நடிக்கின்றனர்.

இப்படத்தை ஒலிம்பியா மூவிஸ் தயாரிக்கும் நிலையில், டி.இமான் இசையமைக்கிறார். இப்படத்தின் டீசர்  கடந்த ஏப்ரல் மாதம்   வெளியான நிலையில், இன்று இப்படத்தின் டிரைலரை படக்குழு வெளியிட்டுள்ளது. இது ரசிகர்களைக் கவர்ந்துள்ள நிலையில், இணையதளத்தில் வைரலாகி வருகிறது.

முந்தைய படங்களைவிட இப்படத்தில்  அருள் நிதியின் ஆக்சன் காட்சிகள் அதிகம் உள்ளதாகக் கூறப்படுகிறது.  மேலும், இப்படம் வரும் மே 26  ஆம் தேதி ரிலீஸ் ஆகவுள்ளது குறிப்பிடத்தக்கது.