அருள்நிதி நடிப்பில் உருவாகியுள்ள டைரி படத்தின் டீசர் நேற்று மாலை ரிலீஸாகி வெற்றி பெற்றுள்ளது.
வம்சம் என்ற திரைப்படத்தின் மூலம் தமிழ் திரையுலகிற்கு அறிமுகமான நடிகர் அருள்நிதி அதன் பின்னர் உதயன், மௌனகுரு, தகராறு உள்பட பல திரைப்படங்களில் நடித்தார். கடைசியாக அவர் நடித்த ’களத்தில் சந்திப்போம்’ படம் வெளியாகி கவனத்தைப் பெற்றது. இதையடுத்து அவரின் அடுத்த படமான டைரியின் டீசர் நேற்று மாலை இணையத்தில் வெளியாகி கவனத்தைப் பெற்றுள்ளது. இந்த படத்தை இன்னாச்சி பாண்டியன் என்ற அறிமுக இயக்குனர் இயக்கியுள்ளார்.
