உலக அளவில் இசைக்கென பிரத்யேகமாக வழங்கப்படும் கிராமி விருதுகளின் பரிந்துரையில் ஏ.ஆர்.ரஹ்மான் பெயர் இடம்பெற்றுள்ளது.
உலக அளவில் திரைப்படங்களுக்கு வழங்கப்படும் உயரிய விருதாக ஆஸ்கர் கருதப்படுவது போல, இசைத் துறையில் கிராமி விருதுகள் இருந்து வருகின்றன. ஆண்டுதோறும் நடைபெறும் கிராமி விருது விழாவில் பல்வேறு பிரிவுகளில் பாடகர்கள், இசையமைப்பாளர்கள் உள்ளிட்டவர்களுக்கு விருதுகள் வழங்கப்படுகின்றன.
இந்நிலையில் இந்த ஆண்டின் கிராமி விருதுக்கான பரிந்துரை பட்டியலில் ஏ.ஆர்.ரஹ்மான் இசையமைத்த மிமி படத்தின் சவுண்ட் ட்ராக் உள்ளது. க்ரித்திசனோன், பங்கஜ் திரிபாதி உள்ளிட்டோர் நடித்த இந்த படத்தில் இடம்பெற்ற “பரமசுந்தரி” என்ற பாடல் சமீபத்தில் மிகவும் ட்ரெண்டாகியிருந்தது. இந்நிலையில் ஏ.ஆர்.ரஹ்மானுக்கு சர்வதேச விருது கிடைக்குமா என இசைப்பிரியர்கள் ஆவலுடன் எதிர்பார்த்து காத்திருக்கின்றனர்.
