செல்வா படத்துக்காக தன் உடலைக் கட்டுமஸ்தாக மாற்றியுள்ளார் அரவிந்த் சாமி.
செல்வா இயக்கத்தில் அரவிந்த் சாமி நடித்துவரும் படம் ‘வணங்காமுடி’. ரித்திகா சிங், நந்திதா ஸ்வேதா, சாந்தினி தமிழரசன், சிம்ரன் என 4 ஹீரோயின்கள் இந்தப் படத்தில் நடித்து வருகின்றனர்.
டி. இமான் இந்தப் படத்துக்கு இசையமைக்கிறார். இந்தப் படத்துக்காக, தன் உடலைக் கட்டுமஸ்தாக மாற்றியிருக்கிறார் அரவிந்த் சாமி. அத்துடன் ஆர்ம் காண்பிக்கும் புகைப்படத்தையும் ட்விட்டரில் வெளியிட்டுள்ளார். இந்தப் புகைப்படம் சமூக வலைதளங்களில் வைரலாகி வருகிறது.
