நடிகர் சிம்பு இன்று தனது பிறந்த நாளை கொண்டாடிய நிலையில் அவருடைய பிறந்தநாள் அறிவிப்பாக ஏற்கனவே அவர் அறிவிக்க இருக்கும் 49வது படம், 50வது படம் குறித்த அறிவிப்பு வெளியானது என்பதை பார்த்தோம்.
இந்த நிலையில் சற்றுமுன் அவர் நடிக்க இருக்கும் 51 வது படத்தின் அறிவிப்பு வெளியாகி உள்ளது. ஏஜிஎஸ் நிறுவனத்தின் தயாரிப்பில் உருவாக இருக்கும் இந்த படத்தை அஸ்வத் மாரிமுத்து இயக்குகிறார் என்று அறிவிக்கப்பட்டுள்ளது/ ஏற்கனவே இவர் ’ஓ மை கடவுளே’ ’டிராகன்’ ஆகிய படங்களை இயக்கிய நிலையில் இந்த படம் அவருக்கு மூன்றாவது படம் என்பது குறிப்பிடத்தக்கது.
மேலும் இந்த அறிவிப்பில் ’காதல் இருக்கும் பயத்தினால் தான் கடவுள் பூமிக்கு வருவதில்லை, மீறி அவன் பூமிக்கு வந்தால்? என்ற கேள்வி குறியுடன் சிம்பு அட்டகாசமாக இருக்கும் போஸ்டர் வெளியாகி உள்ளது என்பதும் இந்த போஸ்டரில் God Of Love என்ற டைட்டில் அறிவிக்கப்பட்டுள்ளது என்பது குறிப்பிடத்தக்கது.
மேலும் இந்த படம் 2026 ஆம் ஆண்டு கோடை விடுமுறையில் வெளியாகும் என்றும் அறிவிக்கப்பட்டுள்ளது. இந்த அறிவிப்பை அடுத்து சிம்பு ரசிகர்கள் துள்ளி குதித்து தங்கள் மகிழ்ச்சியை வெளிப்படுத்தி வருகின்றனர்.
