அண்ணாத்த திரைப்படம் நெட்பிளிக்ஸ் டிரெண்டிங்கில் மூன்று மொழிகளிலும் டாப் 10 பட்டியலில் இடம் பிடித்து சாதனை படைத்துள்ளது.
சூப்பர் ஸ்டார் ரஜினிகாந்த் நடிப்பில் சிவா இயக்கத்தில் ‘அண்ணாத்த’ திரைப்படம் கடந்த தீபாவளியன்று வெளியாகி கலவையான விமர்சனங்களைப் பெற்றது.
இந்நிலையில் இன்று முதல் ஓடிடியில் ரிலீசாகி உள்ளது. சன் பிக்சர்ஸ் நிறுவனம் தயாரித்த ‘அண்ணாத்த’ திரைப்படம் சன் நெக்ஸ்ட் ஓடிடியிலும், நெட்பிளிக்ஸ் ஓடிடியிலும் ரிலீஸாகியுள்ளது.
இப்படம் வெளியாகி தமிழகத்தில் மட்டும் ரூ.150 கோடிக்கு மேல் வசூலை குவித்துள்ளதாக தகவல் வெளியானது . இந்நிலையில் நெட்பிளிக்ஸ் டிரென்டிங்கில் அண்ணாத்த படம் தமிழில் முதல் இடத்திலும் ஹிந்தி வெர்சனில் இரண்டாவது இடத்திலும் , தெலுங்கு வெர்சனில் 3 வது இடத்தையும் பிடித்து சாதனை படைத்துள்ளது. இதனால் ரஜினி ரசிகர்கள் மகிழ்ச்சி அடைந்துள்ளனர்.
