ஆண்ட்ராய்ட் குஞ்சப்பன் 2.0 அறிவிப்பு… ரோபோவுக்கு பதில் ஏலியன்!

ஆண்ட்ராய்டு குஞ்சப்பன் படத்தின் இரண்டாம் பாகம் அறிவிப்பு வெளியாகியுள்ளது.

மலையாள சினிமாவில் கதையம்சம் உள்ள பெரிய ஸ்டார் நடிகர்கள் இல்லாத படங்கள் அதிகமாக வந்து கொண்டிருக்கின்றன. அந்த படங்களை மற்ற மொழிகளில் ரீமேக் செய்ய பலரும் ஆர்வமாக உள்ளனர். இந்த வகையில் சூரஜ் வெஞ்சரமூடு, சௌபின் ஷாகீர் ஆகியோர் நடிப்பில் வெளியான திரைப்படம் ஆண்ட்ராய்டு குஞ்சப்பன். திரையரங்குகளில் வெளியாகி வெற்றி பெற்ற இந்த படம் ஓடிடி பிளாட்பார்ம்களின் மூலம் மற்ற மொழி ரசிகர்களையும் சென்றடைந்தன. அந்த வகையில் இப்போது தமிழில் இந்த படத்தின் தமிழ் ரீமேக் உரிமையை கே எஸ் ரவிக்குமார் வாங்கி அதில் நடித்து வருகிறார்.

இந்நிலையில் ஆண்ட்ராய்டு குஞ்சப்பன் படத்தின் இரண்டாம் பாகம் உருவாக உள்ளதாக படக்குழு அறிவித்துள்ளது. இந்த படத்தில் ரோபோவுக்கு பதில் ஏலியன் முக்கியக் கதாபாத்திரத்தில் நடிக்க உள்ளதாக சொல்லப்படுகிறது.