தமிழகத்தைச் சேர்ந்த ராணுவ அதிகாரியான மேஜர் முகுந்த் வரதராஜனின் வாழ்க்கை வரலாற்றை அடிப்படையாகக் கொண்டு, நடிகர் சிவகார்த்திகேயன் நடிப்பில் உருவான ‘அமரன்’ திரைப்படம் அக்டோபர் 31, தீபாவளி அன்று திரையரங்குகளில் வெளியானது.
தீபாவளியை முன்னிட்டு அமரன், பிரதர், பிளடி பெக்கர் மற்றும் லக்கி பாஸ்கர் ஆகிய படங்கள் வெளியானாலும் அதில் அமரன் மற்றும் லக்கி பாஸ்கர் ஆகிய படங்கள் மட்டுமே பாசிட்டிவ்வான விமர்சனங்களைப் பெற்றுள்ளன. இதுவரை சிவகார்த்திகேயனின் திரைவாழ்க்கையில் இல்லாத மிகப்பெரிய வெற்றிப்படமாக அமரன் அமைந்துள்ளது. திரையரங்கு மூலமாக மட்டும் இந்த படம் 320 கோடி ரூபாய் அளவுக்கு வசூலித்துள்ளது.
இந்நிலையில் இந்த ஆண்டில் தமிழில் மிகப்பெரிய வெற்றிப்படமாக அமைந்த கோட் படத்தை விட அதிக ரசிகர்கள் இந்த படத்தைப் பார்த்துள்ளதாக சொல்லப்படுகிறது. கோட் படத்தை 1.04 கோடி பேர் பார்த்துள்ளதாகவும் அமரன் படத்தை 1.16 கோடி பேர் பார்த்துள்ளதாகவும் சொல்லப்படுகிறது.
