இந்தியா திரும்பிய கமல்ஹாசன்… அமரன் படத்தின் நூறாவது நாள் விழாவில் நடந்த மாற்றம்!

கடந்த ஆண்டு வெளியான தமிழ்ப் படங்களில் மிகப்பெரிய வெற்றியைப் பெற்ற திரைப்படம் சிவகார்த்திகேயன் மற்றும் சாய்பல்லவி நடித்த அமரன் திரைப்படம். தமிழகத்தைச் சேர்ந்த ராணுவ அதிகாரியான மேஜர் முகுந்த் வரதராஜனின் வாழ்க்கை வரலாற்றை அடிப்படையாகக் கொண்டு உருவான இந்த படம் பெரிய அளவில் பாராட்டுகளையும் வசூலையும் குவித்தது.

இதுவரை சிவகார்த்திகேயனின் திரைவாழ்க்கையில் இல்லாத மிகப்பெரிய வெற்றிப்படமாக அமரன் அமைந்துள்ளது. அமரன் திரைப்படம் 300 கோடி ரூபாய்க்கு மேல் வசூலித்து சென்ற ஆண்டின் பிளாக்பஸ்டர் படங்களில் ஒன்றாக அமைந்தது. இந்நிலையில் இந்த படத்தின் 100 ஆவது நாள் விழா பிப்ரவரி மாதத் தொடக்கத்தில் படத்தின் தயாரிப்பாளர் கமல்ஹாசன் அமெரிக்காவில் இருந்து வந்ததும்  சென்னையில் உள்ள ஒரு பிரபல கல்லூரியில் நடக்கும் என சொல்லப்பட்டது.

இப்போது கமல்ஹாசன் சென்னை திரும்பியுள்ள நிலையில் விரைவில் இதுகுறித்த அறிவிப்பு வெளியாகும் என எதிர்பார்க்கப்படுகிறது. ஆனால் விழா நடக்கும் இடம் மற்றும் மாற்றப்பட்டுள்ளதாம். சென்னை கலைவாணர் அரங்கில் நடக்கும் என சொல்லப்படுகிறது.