அலைகள் ஓய்வதில்லை இரண்டாம் பாகம் - பாரதிராஜா தீவிரம்

குற்றப்பரம்பரை கதைக்காக அடித்துக் கொண்ட பாரதிராஜாவும், பாலாவும் அவசர அவசரமாக தங்களின் படங்களை அறிவித்தனர். பாரதிராஜா பிரமாண்டமாக தொடக்கவிழா நடத்தினார். 

ஐரணி என்னவென்றால், பாரதிராஜா, பாலா இருவருமே குற்றப்பரம்பரையை கைவிட்டு புதுமுகங்களை வைத்து படம் எடுக்க தயாராகி வருகின்றனர். பாரதிராஜா அலைகள் ஓய்வதில்லை படத்தின் இரண்டாம் பாகத்தை எடுக்கிறார்.

இதில் இயக்குனர் வஸந்தின் மகன் ரித்விக் வருண் நாயகனாக நடிக்க, நாயகியாக நடிகர் லிவிங்ஸ்டன் மகளை பாரதிராஜா தேர்வு செய்துள்ளதாக கூறப்படுகிறது. லிவிங்ஸ்டன் பாரதிராஜாவின் முன்னாள் அசிஸ்டெண்ட் என்பது குறிப்பிடத்தக்கது.

ஓரிரு தினங்களில் முறையான அறிவிப்பை எதிர்பார்க்கலாம்.

வெப்துனியா செய்திகள் உடனுக்குடன்!!! உங்கள் மொபைலில்... இங்கே க்ளிக் செய்யவும்