அஜீத் நடித்த ‘வீரம்’ தெலுங்கில் பவன் கல்யாண் நடிக்கிறார்

தமிழில் அஜீத் நடிப்பில் வெளியான சூப்பர் ஹிட் படம் ‘வீரம்’ இந்தப் படத்தின் தெலுங்கு ரீமேக் தான் ‘கட்டமராய்டு’ என கூறப்படுகிறது. டோலிவுட்டின் பவர் ஸ்டார் பவன் கல்யாண் தற்போது ‘கட்டமராய்டு’ என்ற பெயரில் நடிக்க உள்ளதாக கூறப்படுகிறது.

படத்தை இயக்குனர் டாலி இயக்கவுள்ளார். நடிகை ஸ்ருதிஹாசன் பவன் கல்யாணுக்கு ஜோடியாக நடிக்கவுள்ளார். இப்படத்தின் படப்பிடிப்புகள் விரைவில் துவங்கவுள்ளதாக கூறப்படுகிறது.

இப்படத்திற்கான முதற்கட்ட பணிகளை துவங்கியுள்ள படக்குழு இப்படம் 2017 மார்ச் மாதம் வரும் யுகாதி பண்டிகையின் போது திரைக்கு வரும் என அறிவித்துள்ளது. யுகாதியின் போது வெளியான பவன் கல்யாண் படங்களான ‘ஜல்சா’, ‘சர்தார்’ ஆகியவை வெற்றி பெற்றுள்ளன. இந்த வரிசையில் ‘கட்டமராய்டு’ திரைப்படமும் இணைகிறது.