அஜித் 62 படத்தை இயக்க மகிழ் திருமேனி ஒப்பந்தம் ஆகியுள்ளதாக தகவல்கள் வெளியாகியுள்ளன.
அஜித்தின் 62வது திரைப்படத்தை லைகா நிறுவனம் தயாரிக்க உள்ளதாக அதிகாரப்பூர்வமாக அறிவிக்கப்பட்டுள்ளது. மேலும் விக்னேஷ் சிவன் இயக்கத்தில் அனிருத் இசையில் இந்த படம் உருவாக இருப்பதாகவும் அறிவிக்கப்பட்டது.
ஆனால் சமீபத்தில் விக்னேஷ் சிவன் படத்தில் இருந்து நீக்கப்பட்டுள்ளதாக சொல்லப்படுகிறது. அவருக்கு பதிலாக மகிழ் திருமேனி இயக்க உள்ளதாக சொல்லப்படுகிறது. ஆனால் இன்னும் அதிகாரப்பூர்வ அறிவிப்பு வெளியாகவில்லை.
இதையடுத்து அனிருத்தும் படத்தில் இருந்து விலக, அவருக்கு பதிலாக சந்தோஷ் நாராயணன் இணைந்துள்ளதாக சொல்லப்படுகிறது. இந்நிலையில் ஐரோப்பா டூர் சென்றிருந்த அஜித் தற்போது சென்னைக்கு திரும்பியுள்ளார். இதனால் கூடிய விரைவில் அஜித் 62 படத்தின் புதிய அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.
