விஜய் மற்றும் த்ரிஷா நடிப்பில் தரணி இயக்கத்தில் உருவான கில்லி திரைப்படம் கடந்த 20 ஆண்டுகளுக்கு முன்னர் வெளியாகி மிகப்பெரிய வெற்றி பெற்ற நிலையில் சமீபத்தில் இந்த படம் ரீரிலீஸ் செய்யப்பட்டு புதிய திரைப்படங்களுக்கு இணையாக வசூலை வாரி குவித்து வருகிறது என்பதை தெரிந்தது.
இந்த நிலையில் இன்று அஜித் பிறந்தநாள் என்பதால் அஜித் நடித்த தீனா திரைப்படம் ரீரிலீஸ் ஆகியுள்ள நிலையில் அந்த படத்தையும் அஜித் ரசிகர்கள் கொண்டாடி வருகின்றனர்.
இந்த நிலையில் சென்னை ரோகினி திரையரங்கில் விஜய் நடித்த கில்லி திரைப்படம் அஜித் நடித்த தீனா திரைப்படம் அருகருகே உள்ள தியேட்டரில் ரிலீஸ் ஆகியுள்ள நிலையில் தீனா திரைப்படத்தின் இடைவேளையின் போது திடீரென கில்லி படம் ஓடும் தியேட்டருக்குள் புகுந்த அஜித் ரசிகர்கள் அஜித் அஜித் என்று கோஷமிட்டதால் பெரும் பரபரப்பு ஏற்பட்டது
இதற்கு பதிலடியாக விஜய் ரசிகர்களும் விஜய் விஜய் என்று கோஷமிட்டதால் சில நிமிடங்கள் பதட்டம் ஏற்பட்டது . இதனை அடுத்து திரையரங்க காவலர்கள் இருதரப்பு ரசிகர்களையும் அவரவர் தியேட்டருக்கு செல்லும்படி வலியுறுத்தியதை அடுத்து சமாதானம் ஏற்பட்டது.
அஜித் விஜய் படங்கள் ஒரே வளாகத்தில் ரீரிலீஸ் ஆனால் கூட பிரச்சனை ஏற்படும் என்பது இதன் மூலம் தெரிய வந்துள்ளது.
