சமீபகாலமாக பழைய படங்களின் ரி ரிலீஸ் அதிகளவில் நடந்து வருகிறது. புதுப்படங்களின் வரவேற்புக் குறைவாக உள்ள நிலையில் சென்னையின் பிரபல திரையரங்குகள் இதுபோல பழைய படங்களை ரி ரிலீஸ் செய்கின்றனர். இதில் முதல் ரிலீஸின் போது ஹிட்டாகாத படங்கள் கூட இப்போது ரசிகர்களால் விரும்பி பார்க்கப்படுகின்றன.
சமீபத்தில் ஆளவந்தான், வேட்டையாடு விளையாடு, புதுப்பேட்டை மற்றும் ஆயிரத்தில் ஒருவன் ஆகிய திரைப்படங்கள் ரி ரிலீஸ் செய்யப்பட்டு எதிர்பார்த்ததை விட அதிகமான வரவேற்பை ரசிகர்களிடம் பெற்றன. இதெல்லாவற்றுக்கும் உச்சமாக விஜய்யின் கில்லி ரி ரிலீஸிலேயே 10 கோடி ரூபாய்க்கு மேல் வசூல் செய்து ஆச்சர்யப்படுத்தியுள்ளது.
இந்நிலையில் விஜய்யின் போட்டியாளரான அஜித்தின் சூப்பர் ஹிட் படங்களில் ஒன்றான பில்லா திரைப்படம் அவரின் பிறந்தநாளை ஒட்டி மே 1 ஆம் தேதி ரிலீஸ் ஆகவுள்ளதாக அறிவிக்கப்பட்டுள்ளது.
