அஜித் - சிவா இணைந்த வீரா, வேதாளம், விவேகம் ஆகிய மூன்று படங்களும் வெற்றி பெற்றுள்ள நிலையில் 4வது முறை மீண்டும் இதே கூட்டணி இணையவேண்டும் என்று ரசிகர்கள் விருப்பம் தெரிவித்து வருகின்றனர்.
இந்த நிலையில் அஜித் படத்தை சிவா 4வது முறையாக இயக்கவுள்ளது கிட்டத்தட்ட உறுதியாகிவிட்டது. அறுவை சிகிச்சை செய்து ஓய்வில் உள்ள அஜித், குணம் அடைந்ததும் படப்பிடிப்பு தொடங்கும் என தெரிகிறது.
இந்த நிலையில் 'அஜித் 58' படத்தில் அஜித் 4வது முறையாக போலீஸ் வேடத்தில் நடிக்கவுள்ளாராம். இதற்கு முன்னர் ஆஞ்சநேயா, மங்காத்தா, என்னை அறிந்தால் ஆகிய படங்களில் போலீஸ் வேடத்தில் நடித்திருந்த அஜித், இந்த படத்தில் 4வது முறையாக போலீஸ் கேரக்டரில் நடிக்கவுள்ளார்.
