அஜித் - ஆதிக் இணையும் ‘ஏகே 64’ படத்தின் நாயகி இவர் தான்: தயாரிப்பாளர் யார் தெரியுமா?

நடிகர் அஜித் அடுத்ததாக ஆதிக் ரவிச்சந்திரன் இயக்கத்தில் நடிக்கவிருப்பது உறுதியாகியுள்ள நிலையில், இந்தப் படத்தின் நாயகி மற்றும் தயாரிப்பு நிறுவனம் குறித்த சுவாரஸ்யமான தகவல்கள் கசிந்துள்ளன. 

முன்னதாக, ஆதிக் ரவிச்சந்திரன் இயக்கத்தில் அஜித் நடித்த 'குட் பேட் அக்லி' திரைப்படம் ரசிகர்கள் மத்தியில் பெரும் வரவேற்பைப் பெற்றது. அதைத் தொடர்ந்து, இந்த வெற்றிக் கூட்டணி மீண்டும் இணைகிறது.

இந்த நிலையில் அஜித்தின் 64வது திரைப்படத்தைத் 'வேல் பிலிம் இன்டர்நேஷனல்' நிறுவனம் தயாரிக்க உள்ளதாகத் தெரிகிறது. படத்துக்கான நாயகியாக, இளம் நடிகை ஸ்ரீநிதி ஷெட்டியுடன் பேச்சுவார்த்தை நடைபெற்று வருகிறதாம்.  

அஜித், இந்த படத்தின் படப்பிடிப்புக்காக வரும் நவம்பர் மாதம் தான் தேதிகள் ஒதுக்கியுள்ளார். அதற்கு முன்னதாக, அஜித்தின் காட்சிகள் இல்லாத பகுதிகளைப் படமாக்க ஆதிக் ரவிச்சந்திரன் திட்டமிட்டுள்ளார். இந்தப் படத்தின் அதிகாரப்பூர்வ அறிவிப்பு மிக விரைவில் வெளியாகும் என்று எதிர்பார்க்கப்படுகிறது. 

மேலும், படக்குழுவினர் இந்தப் படத்தை அடுத்த ஆண்டு கோடை விடுமுறையில் திரைக்குக் கொண்டுவர முடிவு செய்துள்ளதாகவும் தகவல்கள் வெளியாகியுள்ளன.

Edited by Siva