அஜித் தன்னுடைய 62ஆவது படமான விடாமுயற்சி படத்தில் இப்போது கவனம் செலுத்திக் கொண்டிருக்கிறார். இந்த திரைப்படத்தை லைகா நிறுவனம் தயாரிக்க, மகிழ்திருமேனி இயக்குகிறார். அனிருத் இசையமைக்கிறார். இந்தபடத்தின் ஷூட்டிங் கடந்த சில மாதங்களாக வெளிநாடுகளில் நடந்து வருகின்றன.
இதையடுத்து அஜித் நடிக்கும் அடுத்த படத்தை இளம் இயக்குனர் ஆதிக் ரவிச்சந்திரன் இயக்க உள்ளதாக தகவல்கள் வெளியாகியுள்ளன. இந்த படத்தை தெலுங்கின் முன்னணி தயாரிப்பு நிறுவனமான மைத்ரி மூவி மேக்கர்ஸ் நிறுவனம் தயாரிக்க உள்ளதாக சொல்லப்படுகிறது. இந்நிலையில் இந்த படத்துக்கு இசையமைப்பாளராக ஜி வி பிரகாஷ் ஒப்பந்தம் ஆகவுள்ளதாக தகவல்கள் வெளியாகியுள்ளன.
இந்த இரு படங்களையும் முடித்துவிட்டு அடுத்து அஜித் நடிக்கவுள்ள அஜித் 64 ஆவது படத்தை இயக்குனர் பிரசாந்த் நீல் இயக்க உள்ளதாக அதிகாரப்பூர்வமற்ற தகவல்கள் வெளியாகின. ஆனால் விசாரிக்கையில் அந்த தகவல்களில் உண்மை எதுவும் இல்லை என்றும் அது சம்மந்தமாக எந்த பேச்சுவார்த்தையும் நடக்கவில்லை என்றும் சொல்லப்படுகிறது.
