இன்று நடக்கிறதா ‘அஜித் 61’ பட பூஜை… வெளியான தகவல்!

அஜித் 61 படத்தின் பூஜை மற்றும் படப்பிடிப்பு இன்று ஐதராபாத்தில் நடப்பதாக தகவல்கள் வெளியாகியுள்ளன.

அஜித் H வினோத் இயக்கத்தில் நேர்கொண்ட பார்வை, வலிமை ஆகிய படங்களை இயக்கி முடித்துள்ளார். இந்த படத்தை அடுத்து இருவரும் மீண்டும் மூன்றாவது முறையாக இணைகின்றனர். இந்த படத்தையும் போனி கபூரே தயாரிக்கிறார். குறுகிய காலத்தில் படப்பிடிப்பு நடத்தி முடிக்கப்பட உள்ளதாக சொல்லப்படுகிறது. மிகப்பெரிய கொள்ளை சம்பவம் ஒன்றை மையப்படுத்தி இந்த கதைக்களத்தை ஹெச் வினோத் உருவாக்கி உள்ளதாக சொல்லப்படுகிறது.

இதற்காக ஐதராபாத்தில் மிகப்பெரிய செட் ஒன்று அமைக்கப்பட்டு உள்ளது. இந்நிலையில் தற்போது அஜித் அந்த படத்தின் படப்பிடிப்புக்காக ஐதராபாத் சென்றுள்ளார். இது சம்மந்தமாக நேற்று அவர் ஏர்போட்டில் இருக்கும் புகைப்படங்கள் இணையத்தில் வெளியாகி கவனத்தை ஈர்த்தன. இதையடுத்து தயாரிப்பாளர் போனி கபூரும் நேற்று ஐதராபாத்துக்கு சென்றார்.

இந்நிலையில் இன்று அஜித் 61 படத்தின் படப்பிடிப்பு பூஜையோடு தொடங்குவதாக செய்திகள் பரவி வருகின்றன.