ஆர் ஆர் ஆர் படத்தில் அஜய் தேவ்கானின் சம்பளம் எவ்வளவு தெரியுமா ?

அஜய் தேவ்கன் மற்றும் ராஜமௌலி

ஆர் ஆர் ஆர் படத்தில் சிறப்புத் தோற்றத்தில் நடித்த பாலிவுட் நடிகர் அஜய் தேவ்கான் சம்பளம் வாங்க மறுத்துள்ளதாக செய்திகள் வெளியாகியுள்ளன.

தென்னிந்தியாவின் பிரம்மாண்ட இயக்குனராக உருவாகியுள்ள ராஜமௌலி பாகுபலி படத்துக்குப் பிறகு ராம் சரண் மற்றும் ஜூனியர் என் டி ஆர் ஆகியோரை வைத்து ஆர் ஆர் ஆர் என்ற வரலாற்றுப் படத்தை இயக்கி வருகிறார். இந்த படத்தில் கதாநாயகியாக ஆலியா பட் மற்றும் ஹாலிவுட் நடிகை ஒருவர் நடித்து வருகின்றனர். இந்த படத்தின் ஒரு முக்கியமானக் கதாபாத்திரத்தில் நடிக்க நடிகர் அஜய் தேவ்கான் சம்மதித்துள்ளார்.

படத்தில் அவருக்கு சிறிய வேடம் என்றாலும் அவர் மற்றப் படங்களுக்கு வாங்கும் சம்பளத்தையே கொடுக்கதயாரிப்பாளர் சம்மதம் தெரிவித்துள்ளார். ஆனால் ‘நான் இயக்குனர் ராஜமௌலியின் நட்பிற்காகதான் இந்த படத்தில் நடித்தேன். அதனால் எனக்கு சம்பளம் எதுவும் வேண்டாம்’ எனத் தெரிவித்துள்ளார்.