நடிகை ஜெயசுதா தென்னிந்திய சினிமாவின் மூத்த நடிகைகளில் ஒருவர்.
ரஜினி, கமல், சிரஞ்சீவி என பலருடன் ஜோடியாக நடித்த நடிகை ஜெயசுதா இப்போது அம்மா வேடங்களில் தமிழ் மற்றும் தெலுங்கு படங்களில் நடித்து வருகிறார்.
அரசியலிலும் செயல்பட்ட இவர் காங்கிரஸ் மற்றும் ஒய் எஸ் ஆர் காங்கிரஸ் ஆகிய கட்சிகளில் இணைந்து பணியாற்றியுள்ளார். இந்நிலையில் இப்போது ஒரு ஓடிடி ரியாலிட்டி ஷோவில் கலந்துகொண்ட இவர் “தென்னிந்திய நடிகர்கள் அரசால் அங்கிகரிக்கப்படுவதில்லை. 10 படங்களில் மட்டுமே நடித்த கங்கனாவுக்கு சமீபத்தில் பத்மஸ்ரீ விருது வழங்கப்பட்டது. அவர் சிறந்த நடிகை என்பதில் மாற்றுக் கருத்து இல்லை. ஆனால் பல மூத்த தென்னிந்திய நடிகர்கள் எந்த அங்கீகாரமும் இல்லாமல் உள்ளனர்.” எனக் கூறியுள்ளார்.
