களவாணி படத்தின் மூலம் தமிழ் சினிமா ரசிகர்களைக் கவர்ந்த விமல், தொடர்ந்து கிராமத்துக் கதையம்சம் கொண்ட படங்களாக நடித்து வந்தார். அதில் ஒரு சில படங்களை தவிர மற்ற படங்கள் தோல்வி அடைந்ததால் கடந்த சில வருடங்களாக அவர் கைவசம் படங்கள் எதுவும் இல்லாத நிலை உருவானது.
இந்நிலையில்தான் அவர் நடித்த விலங்கு என்ற வெப்சீரிஸ் ஜி 5 தளத்தில் வெளியாகி அவருக்கு ரி எண்ட்ரியாக அமைந்தது. அதன் பின்னர் அவர் நடித்த ‘போகுமிடம் வெகுதூரமில்லை’ மற்றும் ‘சார்’ ஆகிய படங்கள் கவனம் பெற்றன.
இதையடுத்து அவரின் 35 ஆவது படமாக ‘பெல்லடோனா’ என்ற படம் உருவாகி வருகிறது. இந்த படத்தை சந்தோஷ்பாபு முத்துசாமி இயக்குகிறார்.தேஜஸ்வினி சர்மா மற்றும் மேக்சினோ பவ்னம் ஆகியோரும் கதாநாயகியாக நடிக்கின்றனர். ஹாரர் திரைப்படமாக உருவாகும் இந்த படம் 16 மொழிகளில் ரிலீஸாக உள்ளதாக இயக்குனர் தெரிவித்துள்ளார்.
