நடிகர் வடிவேலுவுக்கு கொரோனா உறுதி! – மருத்துவமனையில் அனுமதி!

தமிழ் திரைப்பட நடிகர் வடிவேலுவுக்கு கொரோனா உறுதியானதால் மருத்துவமனையில் அனுமதிக்கப்பட்டுள்ள சம்பவம் அதிர்ச்சியை ஏற்படுத்தியுள்ளது.

தமிழ் சினிமாவின் மிக முக்கிய காமெடி நடிகராக இருப்பவர் வடிவேலு. கடந்த சில காலமாக பல்வேறு காரணங்களால் படம் நடிக்காமல் இருந்த வடிவேலு தற்போது சுராஜ் இயக்கத்தில் “நாய் சேகர் ரிட்டன்ஸ்” என்ற படத்தில் நடிக்க உள்ளார்.

இதற்கான பணிகள் தொடங்கிய நிலையில் நடிகர் வடிவேலு படப்பிடிப்பிற்காக லண்டன் சென்றிருந்தார். அங்கிருந்து சென்னை திரும்பிய நிலையில் அவருக்கு கொரோனா உறுதியாகியுள்ளது. இதனால் போரூரில் உள்ள தனியார் மருத்துவமனையில் வடிவேலு அனுமதிக்கப்பட்டுள்ளார்.