மீண்டும் கே.வி.ஆனந்த் இயக்கத்தில் சூர்யா?

கே.வி.ஆனந்த் இயக்கத்தில் மறுபடியும் சூர்யா நடிப்பதாகத் தகவல் கிடைத்துள்ளது.

கே.வி.ஆனந்த் இயக்கிய ‘அயன்’ மற்றும் ‘மாற்றான்’ படங்களில் ஹீரோவாக நடித்தவர் சூர்யா. இதில் ‘அயன்’ நன்றாகப் போக, ‘மாற்றான்’ தோல்வியைத் தழுவியது. கே.வி.ஆனந்த் இயக்கத்தில் கடைசியாக வெளியான ‘கவண்’ வெற்றி பெற்றது.

இந்நிலையில், அவர் அடுத்ததாக சூர்யாவை இயக்கப் போகிறார் என்றொரு தகவல் வெளியாகியிருக்கிறது. விக்னேஷ் சிவன் இயக்கத்தில் ‘தானா சேர்ந்த கூட்டம்’ படத்தில் நடித்துள்ள சூர்யா, அடுத்து செல்வராகவன் இயக்கத்தில் நடிக்க இருக்கிறார்.

அதன்பிறகு ‘இறுதிச்சுற்று’ சுதா கொங்கரா இயக்கத்தில் நடிக்க இருப்பதாக கூறப்படுகிறது. இந்த இரண்டு படங்களையும் முடித்தபிறகு கே.வி.ஆனந்த் இயக்கத்தில் சூர்யா நடிக்கலாம் என்கிறார்கள்.