ராமராஜன், நளினியை அவரது பிள்ளைகள் இணைத்து வைத்துவிட்டார்களா? பரபரப்பு தகவல்..!

நடிகர் ராமராஜன் மற்றும் நடிகை நளினி  ஆகியோர் தமிழ் திரையுலகில் ஒருகாலத்தில் பிரபல ஜோடியாக வலம் வந்தவர்கள், ஆனால் விவாகரத்து பெற்றுத் தனித் தனியாக வாழ்ந்து வருகின்றனர். இருவரும் பிரிந்து 25 ஆண்டுகளுக்கு மேல் ஆகிவிட்டது.

அதனிடையே, “இருவரும் மீண்டும் சந்தித்து இணைந்து விட்டார்கள்” என்பதற்கான ஒரு வதந்தி, சமூகவலைதளங்களில் வேகமாக பரவி வருகின்றது. இந்த வதந்திக்கு காரணம், இவர்களின் பிள்ளைகளே இருவரையும் மீண்டும் இணைத்ததாக கூறப்படும் தகவல்கள்.

இந்த செய்தி பரப்பியதை நடிகர் ராமராஜன் நேரடியாகவே மறுத்துள்ளார்.

“உண்மையற்ற, நடக்க வாய்ப்பே இல்லாத விஷயங்களை இந்த அளவிற்கு பேசுவதற்கான காரணமே எனக்கு புரியவில்லை. நளினியுடன் நான் மீண்டும் சேர்ந்ததாக பரப்பப்படும் தகவலில் எவ்வித சத்தியமும் இல்லை. இது ஒருபோதும் நிகழாத, நிகழக்கூடியதுமல்லாத ஒரு நிகழ்வாகும்.

நாங்கள் இருவரும் தனித் தனியாக பிரிந்து 25 ஆண்டுகள் ஆகியுள்ள நிலையில், இத்தகைய வதந்திகள் எங்களை மனதளவில் பாதிக்கின்றன. நளினிக்கும் எனக்கும் இது வேதனையை ஏற்படுத்துகிறது. முக்கியமாக, எங்கள் பிள்ளைகள் இந்த வதந்திகளால் துன்பம் அடைவது வருத்தமளிக்கிறது,” என அவர் கூறியுள்ளார்.

Edited by Siva