நடிகர் பாண்டுவின் யாருக்கும் தெரியாத பக்கம்!

நடிகர் பாண்டு இன்று காலை கொரோனாவால் சிகிச்சை பலனின்றி உயிரிழந்தார்.

நூற்றுக்கணக்கான திரை படங்களில் காமெடி வேடங்களில் நடித்தவர் நடிகர் பாண்டு. 74 வயதாகும் பாண்டு சமீபத்தில் கொரோனாவால் பாதிக்கப்பட்டார். இதனையடுத்து சென்னையில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வந்த நிலையில் இன்று அதிகாலை அவர் சிகிச்சை பலனின்றி உயிரிழந்ததாக அறிவிக்கப்பட்டுள்ளது. இதனால் திரையுலகினர் அதிர்ச்சி அடைந்துள்ளனர்.

நடிகர் பாண்டு நகைச்சுவை நடிகர் மட்டுமில்லை. மிகச்சிறந்த ஓவியரும் கூட. இவர்தான் அதிமுகவின் இரட்டை இலை சின்னத்தை வடிவமைத்துக் கொடுத்தவர். இதுபோல பல நிறுவனங்களுக்கு அவர் லோகோ டிசைனராக இருந்துள்ளார். தமிழ்நாடு சுற்றுலாத்துறைக்கும் இவரே லோகோ உருவாக்கி தந்தவர்.