அமெரிக்காவில் முதல்வர் ஸ்டாலினை சந்தித்த தமிழ் நடிகர்.. வைரல் புகைப்படம்..!

சமீபத்தில் தமிழக முதல்வர் மு.க. ஸ்டாலின், அமெரிக்காவுக்கு அரசு முறை பயணமாக சென்றிருந்தார். அங்கு நடிகர் நெப்போலியன் தனது குடும்பத்துடன் அவரை சந்தித்த புகைப்படம் தற்போது இணையத்தில் வேகமாக பரவி வருகிறது.

முதல்வர் மு.க. ஸ்டாலின் அமெரிக்காவுக்குச் சென்றதைப் பற்றி நாம் முன்பு அறிந்திருந்தோம். அவர் அங்கு பல தொழிலதிபர்களை சந்தித்து, தமிழகத்தில் தொழில் வளர்ச்சியை மேம்படுத்த அதிக முதலீடுகளை ஈர்த்தார்.

இந்த பயணத்தின் போது நடிகர் நெப்போலியன், தனது மனைவியும் குடும்பத்தினருடன் முதல்வர் ஸ்டாலினையும், அவருடைய மனைவி துர்கா ஸ்டாலினையும் சந்தித்துள்ளார். இந்த சந்திப்பின் புகைப்படத்தை நெப்போலியன் தனது இன்ஸ்டாகிராமில் பகிர்ந்துள்ளார்.

நெப்போலியன் கடந்த சில ஆண்டுகளாகவே அமெரிக்காவில் தனது குடும்பத்துடன் வசித்து வருகிறார். எனவே, முதல்வரின் அமெரிக்கப் பயணத்தின் போது இச்சந்திப்பு நிகழ்ந்தது என்பது குறிப்பிடத்தக்கது.

Edited by Siva