ஜீவாவின் அகத்தியா ரிலீஸ் தேதி தள்ளிவைப்பு.. பின்னணி என்ன?

தமிழ் சினிமாவில் டிஷ்யூம் தொடங்கி கோ, சிவா மனசுல சக்தி, ஜிப்ஸி என பன்முக கதாப்பாத்திரங்கள் கொண்ட பல படங்களில் நடித்து வருகிறார் ஜீவா. தற்போது ஜீவா - ஆக்‌ஷன் கிங் அர்ஜூன் கூட்டணியில் அகத்தியா என்ற படத்திஒல் நடித்து வருகிறார். வேல்ஸ் பிலிம் இண்டர்நேஷன் தயாரிக்கும் இந்த படத்தை பாடலாசிரியர் பா.விஜய் இயக்குகிறார். இதில் ராஷி கண்னா உள்ளிட்ட பல பிரபலங்கள் நடிக்கின்றனர்.

மிகப்பெரிய பொருட்செலவில் இந்த படம் தயாரிக்கப்படுவதாக தகவல்கள் வெளியாகியுள்ளது. இந்த படத்தின் ஃபர்ஸ்ட் லுக் போஸ்டர் மற்றும் டிரைலர் வெளியாகி கவனம் பெற்றது. ஹாலிவுட்டில் வெளியான இண்டியானா ஜோன்ஸ் போன்ற பீரியட் சாகச படமாக ‘அகத்தியா’ உருவாகி வருவதாக தெரிகிறது.  இந்த படம் ஜனவரி 31 ஆம் தேதி ரிலீஸாகும் என அறிவிக்கப்பட்டிருந்தது.

இந்நிலையில் படத்தின் கிராஃபிக்ஸ் பணிகள் முடியாத காரணத்தால் இப்போது ரிலீஸ் பிப்ரவரி 28 ஆம் தேதிக்கு தள்ளிவைக்கப்படுவதாகப் படக்குழு அறிவித்துள்ளது.