அட்லியின் உதவி இயக்குனர் படத்தில் நடிக்கும் துல்கர் சல்மான்?

மலையாள சூப்பர் ஸ்டார் நடிகர் மம்மூட்டியின் மகனான துல்கர் சல்மான் மலையாளம் , தமிழ் படங்களில் நடித்து முன்னணி நடிகராக வலம் வருகிறார். சமீபத்தில் அவர் நடித்த தெலுங்கு படமான சீதாராமம் மற்றும் இந்தி படமான சுப் ஆகியவை நல்ல வரவேற்பைப் பெற்றுள்ளன. தமிழ், மலையாளம், தெலுங்கு மற்றும் இந்தி என நான்கு மொழிகளிலும் ஹிட் படம் கொடுத்துள்ள அவர் அனைத்து மொழிகளிலும் கவனம் செலுத்தி நடித்து வருகிறார்.

இந்நிலையில் துல்கர் சல்மான் அடுத்து நடிக்கும் அவரின் 36 ஆவது படத்தை தமிழ் சினிமாவை சேர்ந்த கார்த்திக் வேலப்பன் என்பவர் இயக்க உள்ளதாக சொல்லப்படுகிறது. இவர் இயக்குனர் அட்லியின் உதவியாளர் என்பது குறிப்பிடத்தக்கது.