உலகக்கோப்பையை வென்ற ’83’ திரைப்படம் ரிலீஸ் தேதி!
இந்திய கிரிக்கெட் அணி முதன் முதலாக உலக கோப்பையை கடந்த 1983-ஆம் ஆண்டு வென்ற நிலையில் இந்த நிகழ்வை மையமாக வைத்து படம் ஒன்று உருவாகி உள்ளது. இந்த திரைப்படத்தின் ரிலீஸ் தேதி தற்போது வெளிவந்துள்ளது
கடந்த 1983 ஆம் ஆண்டு உலக கோப்பையை கபில்தேவ் தலைமையிலான இந்திய அணி வென்றது என்பது குறிப்பிடத்தக்கது. இதுகுறித்த திரைப்படத்தில் கபில்தேவ் கேரக்டரில் ரன்வீர் சிங் நடித்து வருகிறார். மேலும் தீபிகா படுகோனே உட்பட பலர் நடித்து வருகிறார்கள் என்பதும் தமிழக வீரர் ஸ்ரீகாந்த் கேரக்டரில் தமிழ் நடிகர் ஜீவா நடித்து வருகிறார் என்பது குறிப்பிடத்தக்கது.
கபீர் கான் இயக்கத்தில் உருவாகி வரும் இந்த படத்தின் படப்பிடிப்பு கடந்த சில மாதங்களாக நடைபெற்று வந்த நிலையில் தற்போது இந்த ஆண்டு கிறிஸ்மஸ் தினத்தில் இந்த படம் வெளியாகும் என தகவல்கள் வெளியாகியுள்ளன
தமிழ் தெலுங்கு கன்னடம் மலையாளம் மற்றும் இந்தி ஆகிய மொழிகளில் உருவாகியிருக்கும் இந்த திரைப்படம் மிகப்பெரிய எதிர்பார்ப்பை ஏற்படுத்தி உள்ள திரைப்படங்களில் ஒன்று என்பது குறிப்பிடத்தக்கது.
